நீங்கள் தேடியது "கவுன்ட்டி கிரிக்கெட்"

தென்ஆப்பிரிக்கா அணியின் முன்னணி சுழற்பந்து வீச்சாளர் இம்ரான் தாஹிர். ரிஸ்ட் ஸ்பின்னரான இவர், ஐபிஎல் கிரிக்கெட்டில் சென்னை சூப்பர் கிங்ஸ் அணிக்காக விளையாடி வருகிறார். தற்போது முடிந்த 2019 சீசனில் 26 விக்கெட்டுக்கள் கைப்பற்றி பர்பிள் கேப்-ஐ வென்றார்.

தற்போது இவரை இங்கிலாந்து கவுன்ட்டி கிளப் அணியான சர்ரே ஒப்பந்தம் செய்துள்ளது. இதனால் இம்ரான் தாஹிர் டி20 பிளாஸ்ட்தொடரில் விளையாட இருக்கிறார். சர்ரே அணி ஏற்கனவே வெளிநாட்டு வீரர்களில் ஆரோன் பிஞ்ச்-ஐ ஒப்பந்தம் செய்துள்ளது.



‘‘சர்ரே அணி இயக்குனர் அலெக்ஸ் ஸ்டீவர்ட் என்னை அழைத்தபோது, நான் எளிதான இந்த முடிவை எடுத்தேன். சர்ரே மிகப்பெரிய கிளப். எனது பங்களிப்பால் சர்ரே அணி கோப்பையை வென்றால், மிகச் சிறப்பானதாக இருக்கும்’’ என்று இம்ரான் தாஹிர் கூறியுள்ளார்.

இந்திய டெஸ்ட் அணியின் துணைக் கேப்டனாக இருப்பவர் ரகானே. இவர் தற்போது ஐபிஎல் தொடரில் விளையாடி வருகிறார். ஐபிஎல் தொடர் முடிந்த உடன் உலகக்கோப்பை கிரிக்கெட் தொடர் நடக்கிறது. இதற்கான இந்திய அணியில் ரகானே இடம் பெறவில்லை.

இதை பயன்படுத்தி இங்கிலாந்தில் நடைபெறும் கவுன்ட்டி கிரிக்கெட் விளையாட விரும்புகிறார். இதற்கு அனுமதி வழங்க வேண்டும் என பிசிசிஐ-யிடம் கேட்டுள்ளார்.



பிசிசிஐ அனுமதி வழங்கினால் ஹம்ப்ஷைர் அணிக்காக விளையாடுவார் என்று எதிர்பார்க்கப்படுகிறது.

ஆப்கானிஸ்தான் அணியின் இளம் சுழற்பந்து வீச்சாளர் முஜீப் உர் ரஹ்மான். 17 வயதே ஆன இவர், தனது மாயாஜால பந்து வீச்சால் டி20 போட்டியில் உலகத்தரம் வாய்ந்த பேட்ஸ்மேன்களை மிரட்டி வருகிறார்.

இதனால் ஐபிஎல், பிக் பாஷ் தொடரில் இடம்பிடித்து விளையாடி வருகிறார். இந்நிலையில் டி20 பிளாஸ்ட் தொடரில் விளையாட கவுன்ட்டி அணியான மிடில்செக்ஸ் இவரை ஒப்பந்தம் செய்துள்ளது.

16 வயதில் சர்வதேச போட்டியில் அறிமுகமான முஜீப் உர் ரஹ்மான் 54 விக்கெட்டுக்கள் வீழ்த்தியுள்ளார். தற்போது நடைபெற்று வரும் பிக் பாஷ் டி20 லீக் 12 விக்கெட்டுக்கள் கைப்பற்றியுள்ளார்.

இங்கிலாந்து - இந்தியா இடையில் ஐந்து போட்டிகள் கொண்ட டெஸ்ட் கிரிக்கெட் தொடர் நடைபெற்றது. இதில் இங்கிலாந்து 4-1 என வெற்றி பெற்றது. முதல் இரண்டு போட்டியில் விளையாடிய தொடக்க வீரர் முரளி விஜய்  20,0,6,0 என சொற்ப ரன்களில் ஆட்டமிழந்தார்.

இதனால் 3-வது டெஸ்டில் இருந்து இடம்பெறவில்லை. 4-வது மற்றும் 5-வது டெஸ்டிற்கான இந்திய அணியில் இருந்து அதிரடியாக நீக்கப்பட்டார். அதன்பின் கவுன்ட்டி போட்டியில சசக்ஸ் அணிக்காக விளையாடினார். சசக்ஸ் அணிக்காக 56, 100, 85, 80 மற்றும் 2 என அசத்தினார்.

இதனால் ஆஸ்திரேலியா தொடருக்கான நான்கு போட்டிகள் டெஸ்டிற்கான இந்திய அணியில் இடம்பிடித்துள்ளார். இந்திய அணியில் இடம் பிடிப்பதற்கான கவுன்ட்டி போட்டியில் விளையாடவில்லை என்று முரளி விஜய் தெரிவி்த்துள்ளார்.



இதுகுறித்து முரளி விஜய் கூறுகையில் ‘‘நான் என்மீது நம்பிக்கை வைத்திருக்க வேண்டும் என்பதுதான் முக்கியமான விஷயம். மீண்டும் இந்திய அணிக்கு திரும்ப வேண்டும் என்பதற்காக கவுன்ட்டி கிரிக்கெட் விளையாடவில்லை.

கவுன்ட்டி போட்டியில் விளையாட இதுதான் சரியான நேரம் என்று நினைத்தேன். இதனால் கவுன்ட்டி கிரிக்கெட்டில் விளையாடினேன். சிறப்பாக விளையாடினால், இந்திய அணியில் தானாக இடம் கிடைக்கும்’’  என்றார்.

இந்திய டெஸ்ட் அணியின் தொடக்க பேட்ஸ்மேனாக களம் இறங்கியவர் முரளி விஜய். இங்கிலாந்துக்கு எதிரான தொடரில் மோசமான ஆட்டத்தை வெளிப்படுத்தியதால், 3-வது டெஸ்டிற்குப் பிறகு இந்திய அணியில் இருந்து நீக்கப்பட்டார்.

இந்திய அணியில் இருந்து நீக்கப்பட்டதும் கவுன்ட்டி கிரிக்கெட்டில் சசக்ஸ் அணிக்காக விளையாடி முடிவு செய்தார். முதல் முறையாக கவுன்ட்டி போட்டியில் களம் இறங்கிய முரளி விஜய் முதல் போட்டியில் நாட்டிங்காம்ஷைர் அணிக்கெதிரான முதல் இன்னிங்சில் 56 ரன்களும், 2-வது இன்னிங்சில் சதம் (100) அடித்தும் அசத்தினார். 2-வது அட்டத்தில் வொர்செஸ்டர்ஷைர் அணிக்கெதிராக 85 ரன்கள் அடித்தார்.

இந்நிலையில் 3-வது ஆட்டத்தில் சசக்ஸ் அணி சர்ரே அணியை எதிர்கொண்டு விளையாடி வருகிறது. முதலில் பேட்டிங் செய்த சர்ரே 67 ரன்னில் சுருண்டது. பின்னர் சசக்ஸ் அணி முதல் இன்னிங்சை தொடங்கியது. தொடக்க வீரர் பிரவுன் 2 ரன்னில் வெளியேறினார்.



அடுத்து முரளி விஜய் உடன் வெஸ்லே ஜோடி சேர்ந்தார். இந்த ஜோடி அபாரமான ஆட்டத்தை வெளிப்படுத்தியது. முரளி விஜய் 127 பந்தில் 80 ரன்கள் சேர்த்து ஆட்டமிழந்தார். வெஸ்லே 93 ரன்கள் எடுத்து முதல்நாள் ஆட்டம் முடியும் வரை ஆட்டமிழக்காமல் இருந்தார். எசக்ஸ் அணி முதல் நாள் ஆட்ட முடிவில் 2 விக்கெட் இழப்பிற்கு 197 ரன்கள் சேர்த்துள்ளது.

இங்கிலாந்து தொடரில் மோசமான ஆட்டத்தை வெளிப்படுத்திய முரளி விஜய், கவுன்ட்டி போட்டியில் தொடர்ச்சியாக நான்கு முறை 50-க்கு மேல் ரன்குவித்து அசத்தி வருகிறார்.

இங்கிலாந்து - இந்தியா இடையிலான ஒருநாள் மற்றும் டி20 தொடரில் சுழற்பந்து வீச்சாளரான அடில் ரஷித் அபாரமான பந்து வீச்சை ஏற்படுத்தினார். இதனால் இந்தியாவிற்கு எதிரான டெஸ்ட் தொடருக்கான இந்திய அணியில் இடம்பிடித்தார்.

இங்கிலாந்தில் கவுன்ட்டி போட்டியில் விளையாடினால்தான் தேசிய அணிக்கு தேர்ச்சி பெறமுடியும். கடந்த ஒரு வருடத்திற்கு முன்பாக டெஸ்ட் போட்டியில் விளையாடுவதில்லை என்று முடிவெடுத்திருந்தார்.



இந்திலையில் இந்தியாவிக்கு எதிரான டெஸ்ட் போட்டியில் விளையாடிய அடில் ரஷித் டெஸ்ட் போட்டியில் விளையாடுவதில்லை என்று முடிவு எடுத்திருந்தார். தற்போது அந்த முடிவை மற்றிக்கொண்டு அனைத்து வகை கிரிக்கெட்டிலும் விளையாட முடிவு செய்துள்ளார்.

தென்ஆப்பிரிக்கா அணியின் முன்னணி சுழற்பந்து வீச்சாளர் கேஷவ் மகாராஜ். இவர் சமீபத்தில் இலங்கைக்கு எதிராக ஒரு இன்னிங்சில் 9 விக்கெட்டுக்கள் வீழ்த்தி அசத்தியிருந்தார். இவரை இங்கிலாந்து கவுன்ட்டி அணியான லங்காஷைர் ஒப்பந்தம் செய்துள்ளது.



லங்காஷைர் தற்போது டிவிசன் -1ல் 14 போட்டிகளில் 10-ல் விளையாடி கடைசி இடத்தில் உள்ளது. அந்த அணி வொர்செஸ்டர்ஷைர், சோமர்செட், யார்க்‌ஷைர், ஹம்ப்ஷைர் ஆகிய அணிகளுக்கு எதிராக விளையாட உள்ளது. இதில் மகாராஜ் பங்கேற்பார்.

மகாராஜ் தென்ஆப்பிரிக்கா அணிக்காக 22 டெஸ்ட் போட்டிகளில் விளையாடி 90 விக்கெட்டுக்கள் வீழ்த்தியுள்ளார்.

ஆஸ்திரேலியா அணியின் தொடக்க பேட்ஸ்மேன் ரென்ஷா. இவர் கேமரூன் பான்கிராப்ட்டிற்குப் பதிலாக கவுன்ட்டி அணியான சோமர்செட் அணிக்காக விளையாடினார். சோமர்செட் அணிக்காக மூன்று சதங்கள் அடித்த ரென்ஷாவின் கைவிரலில் காயம் ஏற்பட்டது.



இதனால் ரென்ஷா சோமர்செட் அணியில் இருந்து விலகியுள்ளார். தற்போது அவருக்குப் பதிலாக பாகிஸ்தான் அணியைச் சேர்ந்த தொடக்க வீரரான அசார் அலியை அந்த அணி ஒப்பந்தம் செய்துள்ளது. இந்த சீசன் முடியும்வரை அசார் அலி சோமர்செட் அணிக்காக விளையாட இருக்கிறார்.

இந்திய அணி கேப்டனாக விராட் கோலி கடந்த முறை இந்திய அணி இங்கிலாந்து சென்று விளையாடிய போது மிகவும் மோசமான ஆட்டத்தை வெளிப்படுத்தினார். அதன்பின் ஆஸ்திரேலியா சென்ற தொடரில் இருந்து அபாரமான ஆட்டத்தை வெளிப்படுத்தி முன்னணி வீரராக திகழ்ந்து வருகிறார்.

இந்தியா அடுத்த மாதம் இங்கிலாந்தில் சுற்றுப் பயணம் செய்கிறது. அப்போது ஐந்து போட்டிகள் கொண்ட டெஸ்ட் தொடரில் விளையாட இருக்கிறது. இந்த தொடரின்போது சிறப்பான ஆட்டத்தை வெளிப்படுத்த வேண்டும் என்பதற்காக சர்ரே அணியில் இணைந்து கவுன்ட்டி போட்டியில் விளையாட முடிவு செய்தார்.



துரதிருஷ்டவசமாக கழுத்தில் ஏற்பட்ட காயத்தால் கவுன்ட்டி போட்டியில் இருந்து விலகியுள்ளார். இந்நிலையில் கவுன்ட்டி போட்டியில் விளையாடாவிட்டாலும், விராட் கோலி சிறந்த வீரர்தான் என்று ஹர்பஜன் சிங் கூறியுள்ளார்.

இதுகுறித்து ஹர்பஜன் சிங் கூறுகையில் ‘‘விராட் கோலிக்கு நன்றாக இருக்க வேண்டும். அவரது காயம் பயப்படக்கூடிய அளவிற்கு பெரிதானதல்ல. இங்கிலாந்து தொடருக்கு இன்னும் அதிக நாட்கள் உள்ளன. கவுன்ட்டி போட்டியில் விளையாடாவிட்டாலும், இந்த நேரம் அவருக்கு நல்லதாக அமையும்.

ஏனென்றால், அவரது காயம் குணமடைய ஓய்வு தேவை. கவுன்ட்டி போட்டியில் விளையாடுவதை விட பெரிய அளவில் யோசிப்பது தயார் ஆவதற்கு சிறந்ததாகும். கவுன்ட்டி போட்டியில் விளையாடாவிட்டாலும் இன்னும் அவர் சிறந்த வீரர்தான்.’’ என்றார்.